Artieda ye un lugar chicorron con una fuerte concencia comunitaria de 73 habitants empadronaus a uno de chinero de 2018, en que, anque exista un cierto conoiximiento d’aragonés entre una minoría considerable d’a población, l’uso contino se reduce a las relacions entre tres personas que i vivimos. Pa fer chirar a situación y empentar l’uso d’a luenga lo concello organiza un curso en que se convinan 16 sesions alternas de gramatica y de practica. En as sesions de practica se mira de normalizar l’uso d’a luenga y se convida a diferents profesionals d’a redolada a fer tallers d’immersión lingüistica de toda mena (cocina, cuentacuentos, instalación de software, flora y fauna etc.). En o panel se convinan datos y reflexions arredol d’os neofablants en a comarca d’a Chacetania, con un estudio de caso con o metodo de retz socials en a Tabierna d’Artieda, quantificando lo impacto d’o taller d’aragonés en l’uso d’o castellano y de l’aragonés en as interaccions en o lugar.